Средба Спасовски-Река: Соработката меѓу Северна Македонија и Албанија на високо ниво

 Министерот за внатрешни работи, министерот Оливер Спасовски денеска имаше работна средба со амбасадорот на Република Албанија во земјава Фатос Река.

Како што соопшти МВР, на средбата Спасовски и Река, меѓу другото, разговарале за досегашната соработка како меѓу двете земји, така и меѓу министерствата за внатрешни работи на Република Северна Македонија и Република Албанија, при што заеднички било констатирано дека таа е на извонредно високо ниво, за што сведочат бројните билатерални договори за работа во повеќе полиња од областа на безбедноста.

Била нагласена подготвеноста и за дополнително интензивирање на соработката, особено во поглед на заедничката борба против организираниот криминал и корупција, илегалната миграција и трговијата со луѓе.