ДУИ: Годишнините од Охридскиот договор им припаѓаат на сите граѓани, тој историски моментум ја спаси земјата од идеологиите на уништување и омраза

Демократската унија за интеграција им честита на сите граѓани на државата по повод 21-годишнината од потпишувањето на Охридскиот мировен договор, правниот акт кој ги утврди вистинските вредности на демократијата во земјата и го отвори патот за непрекината партнерство со Соединетите Американски Држави и Европската Унија, се вели во партиското соопштение на ДУИ, во однос на годишнината од потпишувањето на Охридскиот мировен договор.

„Како политички субјект од своето формирање, ДУИ има примарен приоритет континуирано спроведување на нејзината содржина и денес можеме да констатираме дека прогресивната мисија и цел е целосно заокружена преку воспоставување на вредностите на еднаквост, консензуална демократија, социјална кохезија и зајакнување на мирниот соживот“ се додава понатаму во соопштението.

Во продолжение, од партијата потсетуваат на се она што било постигнато во изминатите 20 години од потпишувањето на овој договор, посочувајќи го и членството на Северна Македонија во НАТО, како и „процесот на интегративни преговори со ЕУ“.

„Реалноста по 2001 година со факти зборува за забележителниот напредок, за правичната застапеност во институциите на државата, за официјалниот албански јазик, за непречената употреба на националните симболи, за универзитетите отворени на албански јазик и за сите ускратени права. некаде пред 2001 година. Во духот на Охридскиот мировен договор, успеавме да го одржиме прозападниот курс на земјата, станавме дел од НАТО и успеавме да го започнеме процесот на интегративни преговори со Европската Унија“ велат од ДУИ.

Оттаму потенцираат и дека Охридскиот договор е за сите граѓани, бидејќи успеал да ја спаси земјата од „идеологии на уништување и омраза“.

„Демократската унија за интеграција цени дека годишнините од Охридскиот договор им припаѓаат на сите граѓани бидејќи тој историски моментум ја спаси земјата од идеологиите на уништување и омраза, ја воспостави правдата што недостасуваше во земјата и го означи триумфот на вистинската кауза за еднаквост“ се заклучува во партиското соопштениe.