Најмалку 15 загинати и 27 повредени во автобуска несреќа во јужната иранска покраина Фарс

Најмалку 15 лица загинаа откако автобусот со кој патувале се превртел од мост во јужната иранска покраина Фарс, објави иранска новинска агенција.

Масуд Абед, раководител на службите за итни случаи на покраината, изјави дека досега се потврдени најмалку 15 мртви и најмалку 27 повредени.

Инцидентот се случил околу 11:05 часот по локално време во јужниот град Шираз.

Неколку болници во градот се ставени во состојба на зголемена готовност. Командата за кризни операции и Центарот за медицински мониторинг ги координираат напорите за укажување помош на жртвите.