(ВИДЕО) Објавена фотографија од средба Мијалков-Груби. Мијалков тврди дека е стара

Порталот на албански јазик „Лајм ТВ“ пред половина час објави фотографија од средба на поранешниот функционер на ВМРО-ДПМНЕ, Сашо Мијалков, со пратеникот од ДУИ, Артан Груби, кој е номиниран за вицепремиер и министер за политички систем.

Нема дополнителни податоци од кога е фотографијата и која е целта на средбата. Пишува само дека Мијалков и Груби се сретнале во хотелот „Мериот“ во Скопје.

Либертас го праша Мијалков имал ли средба со Груби, a тој тврди дека фотографијата била стара.

 

Артан Груби кој е кадровски решение во новата влада за вицепремиер за политички систем не ни беше достапен за коментар околу фотографијата и доколку имал средба на која тена бил муабетот со бившиот директор на УБК сега бизнисмен Сашо Мијалков.

Мијалков денеска е актуелен и со фб пораката до лидерот на ВМРО ДПМНЕ Христијан Мицковски. Тој повторно побара од Мицковски после три порази да си замине од лидерската позиција а членови на иницијативен одбор кои се истомисленици со Мијалков денеска пред седиштето на ВМРО ДПМНЕ побараа вонреден конгрес и смена на актуелното партиско раководство заради како што рекоа неспособност и пгубни политики со кои партијата тоне.