Најмалку 30 лица убиени од терористичката организација ИПОБ во Нигерија

30 лица се убиени во напад во југоисточната нигериска држава Имо, за кој се сомнева дека го извршиле членови на забранетата сепаратистичка група „Домородното население на Бијафра“ (IPOB), соопшти денес „Амнести интернешнл“.

Амнести Интернешнл ги повика нигериските власти да го истражат инцидентот и да ги уапсат одговорните.

Портпаролот на полицијата во Има, Хенри Окоје, потврди дека нападот се случил рано во четврток и рече дека еден од напаѓачите бил убиен од полицијата.

Според полициското соопштение, трите групи вооружени лица го блокирале патот, пукале повремено, а потоа ги запалиле околните автомобили, .

Припадниците на обезбедувањето ги пребаруваат околните шуми и други области каде што се смета дека се кријат осомничените како дел од голема операција за пребарување, според полицијата во Има.

Нигериските власти го класифицираа ИПОБ како терористичка организација, а групата промовира сецесија на југоисточна Нигерија, каде што мнозинството од населението е Игбо. Повеќе од еден милион луѓе се убиени во граѓанската војна што го зафати регионот Бијафра кон крајот на 1960-тите.

Боле Тинубу, претседателот на земјата, беше во посета на областа во времето на инцидентот во четврток. Порано оваа недела, лидерот на ИПОБ, Намди Кану, се појави пред федерален суд за да се соочи со обвинение за кривични дела поврзани со тероризам.

……

Повеќе: (kanal5.com.mk)