Кузеска: Трагично и срамно е Мицкоски да го цитира Славко Јаневски, кога ВМРО-ДПМНЕ го лустрираше

ВМРО-ДПМНЕ ги избриша имињата на улиците и установите кои беа именувани по хероите од Втората светска војна, а денес глуми загриженост за Народно ослободителната борба, рече портпаролката на СДСМ, Богданка Кузескана во вечерашното гостување на Канал 5 телевизија.

– Вие ја избришавте петокраката од грбот во 2009 година. Зошто на ВМРО-ДПМНЕ му пречеше името на улицата Бихаќка, знаете што се случувало во Бихаќ 1942 година, праша Кузеска обраќајќи се кон портпаролот на ВМРО-ДПМНЕ Димче Арсовски.

Лидерот на ВМРО-ДПМНЕ Мицкоски бесрамно го цитираше Славко Јаневски, кој беше лустриран по нарачка на тогашната власт на ВМРО-ДПМНЕ, тоа не е смешно, трагично е, порача Кузеска.

-Се додека ширите манипулации, додека правите блокади и се однесувате деструктивно, ќе останете во опозиција, му порача Кузеска на Арсовски.