Дешам веќе одлучил за составот за Европското првенство

Селекторот на француската фудбалска репрезентација, Дидие Дешам изјави дека уште од сега го знае составот за ЕП 2020 година кое ќе се игра следната година.

– Составот е 100 проценти подготвен. Уште од сега знам кого ќе повикам. Можеме само да се надеваме дека одредени играчи нема да се повредат во текот на сезоната, изјави Дешам за „Л’Екип“ .

Европското првенство требаше да се одржи летото 2020 година, но беше одложено поради пандемијата на коронавирус.

Турнирот ќе се игра од 11 јуни до 11 јули 2021 година. Франција е во Ф-групата заедно со Португалија, Германија и Унгарија.