Солзавец и водени топови на насилните протести во Брисел
Илјадници луѓе се собраа денеска во центарот на Брисел за да протестираат против заострените мерки што белгиската влада ги воведе за да се спротивстави на големиот пораст на случаи со коронавирус.
Многумина протестираа и против советите да се вакцинираат и можното воведување задолжителна вакцинација, пренесе АП.
Демонстрантите носеа огромен транспарент на кој пишувало „Заедно за слобода“.
Дел од демонстрантите почнаа да ја провоцираат полицијата и да фрлаат секакви предмети кон кордонот специјалци, по што тие возвратија со солзавец и водени топови.
Нередите во центарот на Брисел сеуште траат , а помали групи кршат и палат се` пред себе.
Засега нема информации за уапсени демонстранти или за повредени во судирите.
