Данела го нашла Ќосето ќе ги прашала граѓаните дали да го врати споменикот

Градоначалничката на Град Скопје, Данела Арсовска вечерва во интервју за Инфомакс посочи дека долго време го барале споменикот на Андон Јанев-Ќосето, кој во текот на 2018 година беше отстранет од пред Врховниот суд.

„Споменикот на Ќосето долго време го баравме и успеавме да го детектираме. Ќе ги прашаме граѓаните, што се однесува до мене како градоначалник затоа што многу често беше поставувано ова прашање, не само во кампањата туку многу често и самите граѓани знаат да напишат, и да прашаат и ме интересираше каде е“, вели Арсовска.

Таа додава дека два месеци се обидувале каде е ставен, дури и кружеле гласини дека можеби е стопен.

„Да не се грижат, пронајден е споменикот. Во добра состојба е, а за негово поставување ќе ги прашаме граѓаните“, додаде Арсовска.