Премиерно изведена претставата „Ковачи“ во театарот во Куманово

 Во театарот во Куманово синоќа премиерно беше изведена претставата „Ковачи“ по текст на познатиот бугарски писател Алек Попов во режија на Деан Дамјановски.

Алек Попов е сценарист во неколку од сезоните на популарната ТВ серија „Преспав“ Претставата се подготвуваше претходниве два месеци и е дел од годишната програма на установата.

Костимограф на претставата беше Елена Вангеловска, сценограф Филип Јовановски, помошник сценограф Крсто Богојевски, а во актерската екипа беа Антонио Димитриевски, Горан Илиќ, Кети Дончевска Илиќ, Нина Максимова, Давид Илиќ, Жарко Јовановиќ и Марко Трајковиќ.

– Дејството се случува во Германија, во едно мало гратче и наводно според авторот е прогласен за најсреќен град во Германија. Тоа не е точно, тоа е фикција. Оттука има еден заплен кој не би го откривал и кој влијае на жителите на тоа мало гратче и го превртува тој еден среќен и идиличен живот наопаку. Она што е интересно е судирот на две култури, западната кон која се стремиме и од друга страна нашиот балкански менталитет, вели режисерот Дамјановски.