Момче влетало во училиште во Чачак со лажен пиштол и им се заканувало на учениците

Во основното училиште во село Прељина во Чачак, ученик од осмо одделение дошол во училиштето со лажен пиштол и им се заканувал на децата имитирајќи пукање.

„Момчето со години ги малтретира другите ученици. Во повеќето случаи децата се плашат од него и не го пријавуваат. Беше санкциониран со намалено поведение, но тоа не влијаеше. Загрижена сум за своето дете и секој ден со страв го праќам на училиште“, вели загрижена мајка за РИНА.

Откако се случил овој инцидент, дежурниот полицаец веднаш реагирал и му го одзел лажниот пиштол на момчето, а потоа во училиштето дошла полициската патрола.

Директорот на училиштето Радојло Чоловиќ според тамошните медиуми не сакал да го коментира случајот.