Со ИПА проект се помага за легализација на куќите во прилепската населба Тризла, но општината доцни со процедурите
Во рамките на ИПА се спроведува и поголем проект насочен во подобрување на условите за живеење, легализацијата и реконструкција на домовите на социјално ранлива категорија на граѓани. Сепак, општината Прилеп се уште не решила голем број од барањата за легалзиација на ромската заедница од Тризла.
„Неискористувањето на оваа можност и средствата од проектот, ја разнишува довербата на ромската заедница према локална власт. Се проценува дека некаде околу половината од жителите од неселбата Тризла се уште немаат решение за легализација на нивните домови“ вели Елвис Мемети, Советник за инклузија на Роми во Канцеларијата на претседателот на Влада на Република Северна Македонија.
Владата на Република Северна Македонија во соработка со меѓународните организации и граѓанскиот сектор ги решава проблемите на ромската заедница кои се наталожија изминативе 30 години.
Стратегијата за Роми за период 2022-2030 година е основа за подготовка, планирање, буџетирање и имплементирање на проекти и активности на локално ниво, а во општина Прилеп во најголемата ромска населба Тризла за прв пат се направени неколку поголеми интервенции кои што се значајни резултати.
На одбележувањето на Меѓународниот ден на сиромаштијата во употреба беше пуштено обновеното спортско игралиште во ООУ „Добре Јованоски“, што е најблиското основно училиште до најголемата ромска населба Тризла. Во рамките на истиот проект направено е опремување на две училници за спроведување на образование на возрасни и има зголемен опфат на лица во активацијата на пазарот на труд.
Општина Прилеп, исто така, е една од трите пилот општини каде што се реализира регионалниот проект „Јакнење на националните и локалните системи за поддршка ефективна социо-економска интеграција на повратници во Западен Балкан“, во партнерство со локалните заедници и Министерството за труд и социјална политика, а поддржано од Делегацијата на Европската Унија.
