ВИДЕО: Ахмети од Албанија се пофали: Командант Талат Џафери ќе биде премиер

Лидерот на ДУИ Али Ахмети во гостување во емисијата „Опиниони“на ТВ Клан во Албанија се пофали дека премиер на техничката влада ќе биде „командант Талат Џафери“.

Ахмети токму поради исполнетото ветување дека во Македонија ќе има премиер Албанец, од „Опиниони“ е прогласен за личност на годината.

На прашање на водителот Бленд Февзиу кога ќе биде избран премиерот Албанец, Ахмети одговорил дека тоа ќе биде на 28 јануари. Прашан кој ќе биде премиер, лидерот на ДУИ одговорил Талат Џафери.

Водителот потпрашал Талат Џафери? Командант Талат Џафери?

Ахмети потврдил: Командант Талат Џафери.

Прашан дали Македонија ќе постави командант на УЧК за премиер, лидерот на ДУИ вели УЧК во 2001 година потпиша договор со НАТО за демобилизација и униформата на УЧК останува споменик на историската меморија, ја има секој војник, со моќна гаранција дека нема да биде злоупотребена.