Брисел отстапи, контроверзниот закон за производи од уништени шуми се одложува за една година

Доколку стапеше на сила, увозот на хартија, чоколада, кафе, какао, палмино масло, соја, пилешко, говедско, говедска кожа ќе беше блокиран на границата на Европската унија, доколку тие доаѓаат од области каде што се уништуваат шумите и на овие чистини се создаваат насади или фарми, пишува Пословни дневник.

Според податоците на Европската комисија, има илјадници и десетици илјади хектари исчистени шуми, што ги засилува негативните климатски трендови, а уништувањето на шумите продолжува безмилосно. Оваа регулатива требаше да биде доказ дека Унијата, што се однесува до овој сегмент од зелената трансформација, е најсилниот играч на сцената. Контра лобирањето беше крајно агресивно, но законот требаше да стапи на сила на 30 декември.

Сите споменати производи сепак би можеле да влезат во ЕУ со приложени докази и потврда дека не се од области каде што неодамна се исечени шуми. Контролите на границите би биле повремени и случајни, иако производителите на некои земји секако би биле поинтересни за увид, што би вклучувало контрола на ЏПС навигацијата и сателитски снимки.

Европскиот увоз на овие стоки од обесшумените области сочинува 16 отсто од светскиот увоз, според податоците на организацијата Светски диви фонд од 2021 година. Бразил, кој нема намера да го намали уништувањето на шумите во Амазон, се побуни, како и Малезија, Индонезија и САД. Овие земји тврдат дека барањата на ЕУ ќе го поскапат нивното производство, ќе ги оштетат нивните земјоделци и бизниси, а производите ќе бидат поскапи и во ЕУ.

Застапниците на регулативата, од своја страна, велат дека европските купувачи ќе ги заобиколат полиците на супермаркетите на кои ќе стои натписот – овие производи доаѓаат од обесшумени области.