Поради лажен сертификат по англиски од Бугарија, Севдије Коџа ќе биде сменета од директорка на Општа болница Дебар
Актуелната директорка на Општата болница Дебар, Севдије Коџа, ќе биде разрешена поради тоа што имала фалсификуван сертификат по англиски јазик од правниот субјект „Јулиа Цо. ЛТД“ од Пловдив Бугарија, потврдуваат за „Слободен печат“ извори од Министерството за здравство, блиски на министерот за здравство. Се чекало тој да се врати од пат за да биде комплетиран процесот и да се најде кандидат кој ќе биде соодветна замена за директорката.
Инаку, таа со признание на вина е осудена на условна казна, која нема да се изврши ако 4 години не изврши ново кривично дело.
„Признавам дека беше грешка. Не бев свесна за таа грешка затоа што од мене се бараше да бидам шест месеци в.д. директор на Општата болница Дебар. Се каам за стореното и нема да ми се повтори“.
…
