Извлечена жрепката за Светското клупско првенство во фудбал, Трамп им посака добра забава во Мајами

Во Телемундо центарот во Мајами вечерва се одржа жрепката за групите на Светското клупско првенство на ФИФА, кое ќе се одржи во САД од 15 јуни до 13 јули 2025 година.

Тоа ќе биде 21. издание на Светското клупско првенство, но прво со рекордни 32 клубови од шест конфедерации.

„Каква емоција е да се биде овде. Фудбалот го обединува светот, ова е историски ден“, изјави претседателот на ФИФА, Џани Инфантино.

Новоизбраниот американски претседател Доналд Трамп се приклучи на церемонијата на извлекувањето на групите со видеообраќање во кое порача дека неговиот пријател Џани ќе организира одличен турнир и изрази надеж дека и самиот ќе биде дел од него.

„Фудбалот навистина ги презема САД. Ова е многу посебно време за фудбалот во САД, заедно со Светското првенство кое ќе го организираат САД, Канада и Мексико во 2026 година“, рече Трамп, посакувајќи им на сите добра забава во Мајами.

Ждрепката ја предводеше легендата на италијанскиот фудбал Алесандро Дел Пјеро, а му помагаа Иванка Трамп, италијанската новинарка Дилета Леота, Глорија Естефан, Арсен Венгер, Јури Џоркаеф …

Турнирот започнува на 15 јуни, а финалето е на 13 јули во Њу Џерси. Ќе се игра во 11 американски градови (Пасадена, Ист Радерфорд/Њу Џерси, Шарлот, Филаделфија, Нешвил, Синсинати, Вашингтон, Аталанта, Сиетл, Мајами, Орландо) и на вкупно 12 стадиони.

Европа има 12 претставници, шест екипи доаѓаат од Јужна Америка, по четири од Азија, Африка и КОНКАКАФ, еден од Океанија, заедно со домаќинот (Интер Мајами).

Рекордер е Реал Мадрид со пет титули, Барселона има три, а Баерн Минхен и Коринтијанс по два трофеи.

Вкупно 12 клубови низ историјата ја освоија титулата клупски светски шампион, а бранител на титулата е Манчестер Сити.

Состав на групите за Светското клупско првенство на ФИФА:

ГРУПА А: Палмеирас (Бразил), Порто (Португалија), Ал Ахли (Египет), Интер Мајами (САД)

ГРУПА Б: ПСЖ (Франција), Атлетико Мадрид (Шпанија), Ботафого (Бразил), Сиетл (САД)

ГРУПА Ц: Баерн Минхен (Германија), Оукленд (Нов Зеланд), Бока Јуниорс (Аргентина), Бенфика (Португалија)

ГРУПА Д: Фламенго (Бразил), Есперанса де Тунис (Тунис), Челзи (Англија), Клуб Леон (Аргентина)

ГРУПА Е: Ривер Плата (Аргентина), Урава (Јапонија), Монтереј (Мексико), Интер (Италија)

ГРУПА Ф: Флуминенсе (Бразил), Борусија Дортмунд (Германија), Улсан (Јужна Кореја), Мамелоди (Јужна Африка)

ГРУПА Г: Манчестер Сити (Англија), Видад (Мароко), Ал Аин (ОАЕ), Јувентус (Италија)

ГРУПА Х: Реал Мадрид (Шпанија), Ал Хилал (Саудиска Арабија), Пачука (Мексико), Салцбург (Австрија).