Објавени добитниците на државната награда „Мито Хаџи Василев-Јасмин“
Иван Антоновски и Делвина Крлуку се годинашни добитници на државната награда „Мито Хаџи Василев-Јасмин“ за 2024 година за остварувања во областа на публицистиката. Атанас Костовски и Љупчо Јолевски се добитници на оваа награда за остварувања во областа на новинарството.
Како што информира Министерството за култура и туризам, одлуките ги донел Одборот за доделување на државната награда „Мито Хаџи Василев- Јасмин“, на седницата одржана на 15 ноември 2024 година.
Наградата ќе им биде врачена на добитниците на 21 декември 2024 година (сабота) во 10:30 часот, во свечената сала на Собранието на Република Северна Македонија.
