Герапетритис и Георгиев телефонски разговарале за меѓународните и регионалните предизвици
За актуелните меѓународни и регионални предизвици телефонски разговарале министрите за надворешни работи на Грција и Бугарија Јоргос Герапетритис и Георг Георгиев и изразиле подготвеност да одржат средба, јави дописничката на МИА од Атина.
Од грчкото МНР преку платформата Икс информираа дека Герапетритис му честитал на Георгиев за преземањето на функцијата и истакнал дека „формирањето на новата Влада во Бугарија претставува значаен чекор за унапредување на билатералните односи“.
– Двајцата министри се осврнаа на актуелните меѓународни и регионални предизвици и изразија подготвеност лично да се сретнат во блиска иднина, информираа од Министерството за надворешни работи на Грција.
