(ФОТО+ВИДЕО) „Не е несреќа, туку убиство“, „Врските не враќаат човечки живот“ – граѓани бараат правда за Фросина

Граѓани во колона чекаа ред за да запалат свеќи пред фотографијата на Фросина.

 

Дел од нив со транспаренти во рацете испратија пораки до властите: „Не е кобно местово, туку луѓето и системот“; „Не е несреќа, туку убиство“; „Обвинители = соучесници убијци“; „Врските не враќаат човечки живот“.

 

Протест за Фросина која беше усмртена на пешачки премин на булеварот „Партизански одреди“ во Скопје

Протест за Фросина која беше усмртена на пешачки премин на булеварот „Партизански одреди“ во Скопје / Фото: 360 степени

Граѓаните на мирниот протест бараат правда за сите жртви од сообраќајни незгоди. На булеварот се собраа многу млади, но и повозрасни граѓани кои бараат да се расчисти овој случај.

Тие бараат зголемено полициско присуство на улиците, да се вратат позорникарите и да се казнат виновниците за овој случај – од обвинетиот до обвинителите и судиите кои го ослободувале младиот возач за претходните дела.