Путин: Срамота е да се игнорира улогата на СССР во ослободувањето на Аушвиц

Поради војната во Украина, Русија не беше поканета на комеморацијата за одбележување на 80 години од ослободувањето на логорот Аушвиц во Полска од страна на советските трупи. Таа беше посетена од германскиот канцелар Олаф Шолц, украинскиот претседател Володимир Зеленски, кралот Чарлс од Британија, францускиот претседател Емануел Макрон, полскиот претседател Анджеј Дуда и многу други лидери.

„Ова е толку чудна, срамна постапка,“ изјави Путин во интервју за руската државна телевизија кое беше објавено во неделата. „Можете да се однесувате кон рускиот државен лидер, кон мене, како сакате – никој не бара покана. Но, ако размислевте, ќе можевте да бидете многу посуптилни.“

Путин изјави дека, ако советските војници кои учествувале во ослободувањето на логорите не можеле да бидат поканети поради здравствени причини или возраст, тогаш барем нивните семејства можеле да присуствуваат на настанатите што ја одбележуваат годишнината од ослободувањето.

Како што советските сили се бореле против нацистичките трупи во Европа во 1944 и 1945 година, тие ослободиле голем број логори на смртта, вклучувајќи ги Мајданек, Аушвиц, Штутхоф, Заксенхаузен и Равенсбрюк. (Ројтерс)