Министер за одбрана на Пакистан: Индија во секој момент може да изврши воен напад

Пакистанскиот министер за одбрана, Хаваџа Асиф денеска предупреди дека Индија би можела да изврши воен напад во секое време долж линијата на контрола во Кашмир.

„Постојат извештаи дека Индија би можела да нападне која било точка по линијата на контрола. Њу Делхи ќе добие соодветен одговор“, изјави тој за новинарите во Исламабад, според „Хиндустан тајмс“.

Асиф, исто така, рече дека пакистанскиот премиер Шехбаз Шариф побарал меѓународна истрага за нападот во Пахалгам.

„Таквата истрага би открила дали самата Индија или некоја внатрешна група е вклучена и би ја разјаснила вистината зад неоснованите обвинувања на Њу Делхи“, додаде Асиф.

Пакистанскиот министер за информации, Ата Тарар, минатата недела изјави дека е можно Индија да го нападне Пакистан во следните 36 часа.

Од поделбата на Индија и формирањето на Пакистан во 1947 година, двата соседа кои поседуваат нуклеарно оружје водеа две војни за територија со муслиманско мнозинство за која тврдат дека во целост е нивна, но ја контролираат делумно.