За двајца министри за економија се запира постапката за пожарот во Кочани

Постапката се запира за девет физички лица поради немање доволно докази, а во понатамошниот дел може ќе се обезбедат докази и постапката може да продолжи, рече денеска на прес-конференција државниот обвинител Љупчо Коцевски.

Меѓу нив се и двајца поранешни министри за економија, но не прецизира кои се тие.

Појасни дека за едно лице постапката е прекината, за едно лице се прекинува затоа што се работи за веќе починат човек, а за другите девет може и да продолжи доколку се најдат дополнителни докази.