Либанската влада ги одобри целите на американскиот предлог за разоружување на Хезболах

Либанскиот министер за информации, Пол Моркос, изјави дека владата денеска ги одобрила принципите на американскиот предлог за разоружување на либанската милитантна група Хезболах до крајот на годината и прекин на израелските воени операции во земјата, вклучително и „постепеното завршување на присуството на недржавни вооружени групи во земјата, покрај останатите и Хезболах, и северно и јужно од реката Литани“.

Моркос изјави дека либанската влада ги прифатила принципите на американскиот предлог, но дека деталите не биле дискутирани на состанокот.

Тој истакна дека кабинетот нема да ги разгледа деталите и амандманите поврзани со американскиот предлог и дека тие ќе бидат дискутирани откако ќе го добие планот за имплементација што армијата ќе го презентира пред владата.