Цената на бензините останува непроменета, додека дизелот поевтинува, објави Регулаторната комисија за енергетија.

Цената на ЕУРОСУПЕР 95 изнесува 73 денари по литар, додека на ЕУРОСУПЕР 98+ 75 денари. Цената на ЕУРОДИЗЕЛ се намалува од вечерва на полноќ за 1 денар, и од утре ќе се продава по 67 денари за литар.

За 1 денар се намалува и цената на екстралесното масло за домаќинство од 67,5, од утре ќе се продава по цена од 66,5 денари. Цената на мазутот исто така паѓа за 0,6 денари и ќе се продава од утре за 36 денари по килограм.