Хантавирусот се шири меѓу украинските војници

Хантавирусот се шири меѓу украинските вооружени сили во Сумската област поради глодари, лоши санитарни услови и ослабен имунолошки систем кај припадниците на армијата, тврдат руските безбедносни агенции за агенцијата ТАСС.

„На Сумскиот фронт, украинските позиции се мачат со глодари, нехигиенски услови и ослабен имунолошки систем, што придонесува за ширење на хантавирусот. Оваа информација ја потврди и киевската лекарка Ирина Семенова, која изјави дека хантавирусот е широко распространет меѓу припадниците на украинските вооружени сили на овој фронт“, тврди изворот на агенцијата за состојбата на боиштето во Украина.

– Advertisements –

Безбедносните сили претходно известија дека украинските војници заразени со хантавирус не добиваат медицинска нега поради забраната воведена од командантите во Харковската и Сумската област, потсетува ТАСС и додава дека украинските граничари стационирани во Черниговската област „редовно умираат од хантавирус“.

Странските платеници во украинските вооружени сили се жалат за постојаните здравствени проблеми на украинските војници, истакнувајќи дека некои од нив ја нарекле болеста „чума“.

Инаку, хантавирусите се фамилија на вируси кои првенствено ги инфицираат малите цицачи, но можат да се пренесат и на луѓето.

Во тешки случаи, заразените лица страдаат од оштетување на белите дробови, срцева слабост и хеморагична треска