Дрон погоди автобус во Донецк – седум мртви и 11 ранети

Напад со беспилотно летало уби седум лица, а 11 беа ранети кога автобус беше погоден во источна Украина, окупирана од Русија, соопштија денеска властите назначени од Москва во регионот Донецк.

Инцидентот се случи еден ден по масовниот напад со беспилотни летала и ракети од страна на Русија врз Украина, во кој загинаа најмалку 23 лица.

Автобусот беше погоден во регионот Донецк додека се движеше по рутата Москва-Симферопол на Крим, полуостров на Црното Море анектиран од Русија во 2014 година.

Русија и Украина редовно разменуваат воздушни напади откако Москва започна целосна инвазија во февруари 2022 година, користејќи бранови ракети и беспилотни летала за да се напаѓаат едни со други