Француски „Депеш“: Како украинските евтини балони од 130 долари го исцрпуваат рускиот арсенал

Украинските балони-бомбардери повторно се појавуваат на фронтот како исклучително економично и едноставно средство кое, наполнето со хелиум и опремено со ГПС, успешно ги попречува руските радари и ја принудува Москва да го троши својот скап противвоздушен арсенал, пишува францускиот весник „Депеш“ (La Depeche).

Уште во февруари 2023 година, една година по почетокот на руската инвазија врз Украина, двете страни ги користеа овие балони за да го измамат непријателот или да го принудат да троши скапоцена противвоздушна муниција. Овие уреди, кои се активни на боиштата уште од Американската граѓанска војна и Првата светска војна, сè уште успешно си ја вршат работата во војна со која инаку доминираат софистицирани дронови и прецизни ракети.

Денес, овие рудиментирани украински направи, направени од обични балони, опремени со ГПС, а понекогаш и со мали експлозивни полнења или радарски рефлектори, доживуваат вистинска ренесанса токму затоа што нудат ретка комбинација на ниска цена и прикриеност. Нивната главна привлечност не е во разорната моќ, туку во способноста да ја нарушат руската одбрана.

Со појавувањето на радарите, тие ја принудуваат Москва да утврдува дали станува збор за реална закана, со што често се провоцира лансирање на скапи противвоздушни ракети.

Како дополнителна предност се наведува тоа што, покрај трошењето на непријателските ресурси, овие балони ѝ овозможуваат на Украина прецизно да ја лоцира позицијата на руските ракетни системи. Иако нивната ефикасност зависи од временските услови и имаат мал капацитет на носивост, тие се сметаат за најевтиното оружје во конфликтот, каде што најскапата компонента е ГПС-читачот кој чини околу 130 долари.