СДСМ: Опозицијата нема да биде алиби за празна каса и тендерскиот грабеж

СООПШТЕНИЕ НА СДСМ

Мицковски сака да ги распише изборите предвреме за да ја скрие празната државна каса која ја испразнија со грабеж преку тендери. Но и неисполнетите ветувања пред граѓаните, катастрофалната економска состојба, растечката сиромаштија.

Нема област во земјата каде состојбата е добра, напротив, за само 2 години состојбата е од лоша – полоша. И допрва ќе се влошува.

Народот живее полошо, со помалку пари, со празни паричници, платите се најниски во Европа. Економијата оди надолу, субвенциите се намалени, странските инвестиции се за 60% пониски, инфлацијата е двојно поголема од евро-зоната а сиромаштијата е зголемена за 22% во првата година а долговите се зголемени за 2,5 милијарди евра.

Знаете ли зошто токму денес најавува избори?

Затоа што Вучиќ завчера најави можни избори за 3 до 4 месеци.

Кај нас техничката влада трае 100 дена. Мицковски мора да ги вклопи изборите во приближно истото време. Не смее да чека да падне и тој.

Падна Орбан, како што предупредувавме. А по Орбан, следува Вучиќ, па Мицкоски. Тоа е редоследот. Криминалната организација паѓа.

Паѓаат како домино.

Ние нема да му правиме алиби на Мицковски да ги прикрие последиците од својата политика, корупција и криминал.

Избори ќе има, бидејќи веќе го смислил сценариото, но нема да може да се спаси себеси и својата банда која ја опустоши државата.

Останува само да видиме кој сателит на ВМРО ќе се појави како лажна опозиција да му бара избори.

Сценариото е веќе смислено, сега е само во режија.

Граѓани, само гледајте.