ДУИ: 36 проекти – само еден албански и мегафаворизирање на српските проекти од страна на Стоилковиќ

Демократската унија за интеграција изразува сериозна загриженост за начинот на кој Министерството за односи меѓу заедниците распределило 36 проекти во вкупна вредност од околу 18 милиони денари (приближно 300 илјади евра), наменети за промоција на меѓуетничките односи.

Според објавените податоци, резултатите покажуваат длабоко неурамнотежена распределба и постапување спротивно на самата цел на програмата.

Од 36-те финансирани проекти, поддршка добила само една албанска организација, додека македонските, српските и организациите на другите заедници доминираат на листата на корисниц

Особено загрижувачки е фактот што пет проекти се доделени на иницијативи поврзани со српската заедница, вклучително и проектот за одбележување на „110-годишнината од Кајмакчалан“, додека организацијата „Заедница на Србите во Македонија“ од Куманово добила три проекти, а здружението „КУД Српски Вез“, исто така од Куманово, добило уште два проекти.

Во исто време, значителен број од финансираните проекти се однесуваат на области како здравствена рехабилитација, борба против зависности, поддршка на лица со попреченост, дигитализација, стандарди на услуги или други теми кои немаат директна врска со промоцијата на меѓуетничките односи.

Според објавените информации, речиси секој проект добил околу 500 илјади денари, што значи дека јавните средства се распределени рамномерно, но не нужно во согласност со критериумите и целите за кои се наменети.

Ова е во целосна спротивност со критериумите објавени од самото Министерство, кои предвидуваат промоција на мултиетничкиот карактер на општеството, намалување на етничката дистанца, борба против дискриминацијата, спроведување на Охридскиот рамковен договор, почитување на употребата на јазиците на заедниците и заштита на културниот идентитет на сите заедници.

ДУИ бара целосно објавување на процесот на евалуација, критериумите според кои се избрани проектите и независна ревизија за да се утврди дали јавните средства се распределени правично, транспарентно и во согласност со целта за која се одобрени.

Промоцијата на меѓуетничките односи не може да се остварува со ставање на албанската заедница на маргините и со финансирање проекти кои не ѝ служат на соживотот и еднаквоста. Ваквиот пристап ја нарушува довербата на граѓаните во институциите и ризикува да го поткопа духот на Охридскиот рамковен договор.