Трамп од Евијан: Одлично се согласуваме со Иран, Макрон е мој посебен пријател

САД исклучително добро се согласуваат со Иран, а францускиот претседател Емануел Макрон е мој посебен пријател со кого имам фантастични односи, порача американскиот претседател Доналд Трамп од Евијан.

Тој потврди дека стратешки важната Ормуска Теснина веќе е делумно отворена, а до петок ќе биде целосно проодна за сообраќај.

Трамп нагласи дека новопостигнатиот Меморандум за разбирање со Техеран не вклучува предвремено укинување на санкциите, туку дека станува збор за договор кој го регулира меѓусебното однесување, а чиј текст ќе биде објавен набрзо по петок. На церемонијата на потпишување во Швајцарија, според него, најверојатно ќе присуствува потпретседателот Џеј Ди Венс.

Откако прашањето со Иран е завршено, Вашингтон во целост се фокусира на Украина, за која Трамп верува дека и Путин и Зеленски се отворени за договор. Како следен чекор на американската администрација тој ја наведе стабилизацијата на ситуацијата во Либан, истакнувајќи дека тој процес не би требало да биде тежок, но дека претстојат неопходни разговори со Хезболах.