По инцидентот во кој почина 20-годишник, градоначалникот на Струга со иницијатива за плажи без педалинки

Откако вчера беше пронајдено безживотно тело на 20-годишно момче кај „Машка плажа“ на Охридското Езеро, градоначалникот на Струга, Менди Ќура, до Советот достави иницијатива за усвојување предлог-одлуки за зголемување на безбедноста на плажи.

Со оваа одлука, според градоначалникот, би се намалила узурпацијата на плажите, каде луѓе што стопанисуваат со нив често не плаќаат надоместоци и не преземаат соодветни мерки за безбедност на посетителите.

„Предложив одлука со која ќе се забрани движење и паркирање на педалинките на плажите“, посочи градоначалникот.

Тој смета дека голем дел од овие педалинки се пуштаат нелегално, без да се издаваат фискални сметки за нив.