Хамнеи: Го одобрив меморандумот со САД и покрај резервите

Врховниот лидер на Иран Моџтаба Хамнеи денеска изјави дека го одобрил меморандумот за разбирање потпишан од претседателите на Иран и САД, Масуд Пезешкијан и Доналд Трамп, иако имал одредени резерви во врска со договорот.

Хамнеи посочи дека се согласил со меморандумот по уверувањата добиени од Пезешкијан и од други високи државни претставници дека ќе бидат заштитени правата на Иран и на таканаречената „Оска на отпорот“.

Во писмена порака до иранскиот народ, врховниот лидер истакна дека Пезешкијан, во својство на претседател на Врховниот совет за национална безбедност, ја презел одговорноста да обезбеди договорот да ги штити иранските интереси и ветил дека нема да попушти доколку Вашингтон постави, како што наведе, „вонредни барања“.

Хамнеи додаде дека идните директни преговори со САД не значат прифаќање на „позицијата на непријателот“.