Земјотрес од 3,6 степени регистриран меѓу Грција и Албанија

Земјотрес со јачина од 3,6 степени според Рихтеровата скала денеска во 17:07 часот е регистриран на границата меѓу Грција и Албанија.

Според достапните податоци, епицентарот на потресот бил на околу 30 километри североисточно од Игуменица, на длабочина од пет километри.

Засега нема информации за евентуална материјална штета или повредени лица.