Холанѓанец трчал маратон додека бил на боледување. Работодавачот сега мора да му плати 60.000 евра

09.10.2026 08:57
506 Читање помалку од 1м
Додека некои луѓе едвај можат да стигнат до продавницата додека се на боледување, еден Холанѓанец решил да трча маратон. На неговиот работодавач не му било смешно и го отпуштил. Но, приказната добила неочекуван пресврт – судот пресуди во корист на работникот, а компанијата сега мора да му плати околу 60.000 евра, објавува RTL Nieuws.

 

Вработен во металопреработувачка компанија бил на боледување поради проблем со колкот, но тоа не го спречило да трча маратон во Ротердам. Кога неговиот работодавач дознал за неговиот спортски подвиг на социјалните мрежи, решил да му даде вонреден отказ. Компанијата верувала дека работникот сериозно ги прекршил своите обврски и ја изневерил нивната доверба. Сепак, тој не се согласил со таквата одлука, па затоа решил правдата да ја бара на суд.

Судот во Ротердам на крајот застанал на страната на работникот. Се испоставило дека лекарот по медицина на трудот кој го следел неговото закрепнување знаел дека планира да трча маратон. Покрај тоа, тој верувал дека физичката активност може да му помогне да се опорави и одобрил постепено зголемување на неговите напори.

Затоа, судот заклучил дека нема оправдана причина за вонредното отпуштање и дека работодавачот донел избрзана одлука. Иако работниот однос на крајот бил прекинат, компанијата мора да му плати на вработениот законска отпремнина и дополнителен надомест утврден од судот. Вкупно, ова изнесува околу 60.000 евра.

Back to top button
Close