АА: Обвинителството на Орце Камчев со компанијата им овозможи да си ја откупат слободата

„Режимското обвинителство склучи пакт со криминалот, криминалците ја купија слободата“, вака реагираат од Алијансата за Албанците преку писмено соопштение испратено до медиумите.

„И покрај сериозните и директни забелешки за криминалот и корупцијата, како и за недостигот на правда во земјава, од страна на меѓународните организации, скандалите во обвинителството и судството се зголемуваат.
Денеска пред очите на целата јавност таканареченото обвинителство за гонење организиран криминал и корупција наместо да го гони, реши да склучи пакт со криминалот. Ова потоа беше одобрено од кривичниот суд и со тоа на осомничените криминалци како Орце Камчев со компанијата им се овозможи да си ја откупат слободата со 5.3 милиони евра“, се наведува во реакцијата на АА.

Оттаму додаваат: „Парите што требаше да бидат конфискувани се искористени за купување на правдата, додека за да се фрли прашина во очите на граѓаните, Камчев е осуден на една година затвор каде ќе му се пресмета притворот, што значи дека останува на слобода во овој случај.
Хибридниот режим СДСМ-ДУИ не се бори против криминалот, туку се бори против граѓаните и целата меѓународна заедница кои секојдневно алармираат за критичната состојба во правосудниот систем“.