Аеродром тоне во ѓубре: По протестите за Вардариште, граѓани алармираат и за преполни контејнери

Проблемите со отпадот и загадувањето во Општина Аеродром се чини дека кулминираат. На истиот ден кога стотици жители ги блокираа улиците поради чадот од депонијата Вардариште, други граѓани алармираат за алармантна состојба со комуналната хигиена и преполни контејнери во населбата,

До редакцијата на порталот 4news.mk, читател ја испрати фотографијата направена од неговата тераса, на која се гледа загрижувачка слика – долга низа преполни контејнери од кои ѓубрето се прелева на сите страни. Сцената со расфрлан отпад околу садовите за смет сведочи за сериозен санитарен и еколошки проблем среде урбана населба.

Оваа нова поплака од граѓаните доаѓа во време кога Аеродром е во фокусот на јавноста поради повеќедневните протести против загадувањето и неподносливата миризба од запалената депонија Вардариште.

Сликите од преполните контејнери, заедно со револтот поради загадениот воздух, создаваат впечаток дека жителите на оваа скопска општина се соочуваат со двоен еколошки предизвик, што отвора сериозни прашања за капацитетот на градските и општинските комунални служби