Џафери: Изјавата на Вучиќ е пропаганда за да им наштети на албанците

Техничкиот премиер Талат Џафери вели дека изјавата на претседателот на Србија Александар Вучиќ дека косовскиот премиер Албин Курти сака од власт да го симне Али Ахмети и ДУИ всушност е пропаганда која има за цел да им наштети на Албанците во Македонија.

– Божем многу се загрижени за судбината на Али Ахмети и за ДУИ, а во суштина се против колективните интереси на Албанците во државата. Но, граѓаните разбираат на што се однесува душегрижноста на оние што ги даваат тие изјави. Во суштина и децата знаат дека се работи индиректно, односно се иницира незадоволство кон ДУИ, а во суштина е попречување на она што се проекции за достигнување на оние цели кои се програмски определени како присуството, работата и живеењето на Албанците како колетивен народ тука во Македонија – рече Џафери.