Албанската влада ги проширува овластувањата на Агенцијата за разузнавање, фокусот на киберзаканите и националната безбедност
Владата на Албанија усвои законските измени со кои се прошируваат овластувањата на Државната разузнавачка служба (ШИШ) со кои и се дава можност да собира информации за националната безбедност.
Со измените Државна разузнавачка служба ќе собира информации за заканите што произлегуваат од активноста на странските разузнавачки служби, во сите форми на изразување и појава, со цел да се зачува интегритетот, независноста и уставниот поредок, како и за тероризмот и екстремизмот, злосторствата против животната средина, производството и ширењето на оружје за масовно уништување и за внатрешната и регионалната стабилност.
Во исто време, на институцијата и се додадени уште две задачи: прибирање информации за заканите за економската безбедност, кибер заканите и хибридните закани, како и „заканите за критичната и важна инфраструктура на Република Албанија“.
ШИШ ќе има право на пристап до државни бази на податоци, што е ограничено според законските функции и е регулирано со меѓуинституционален договор.
Се менува и финансискиот третман на раководителите на институцијата. Во постојниот закон, платата на директорот на ШИШ беше иста како и на министерот за внатрешни работи, додека платата на заменик-директорот беше еднаква на платата на заменик-министерот на истото министерство. Во иднина платата на директорот и заменик-директорот ќе ја определува владата.
Според образложението измените се со цел на Државната разузнавачка служба и се даде поголема моќ во прибирањето информации за националната безбедност.
