Алити: Најавите на АА за радикализација на политичкото делување е дефокусирање од внатрепартиското незадоволство
Опозициските партии ВМРО-ДПМНЕ, Алијанса за Албанците (АA) и Движењето Беса, покрај инсистирањето на предвремени парламентарни избори, најавуват и радикализација на нивното политичко, како што велат, демократско делување во Собранието, но и на улиците со протести. Од друга страна, двете опозициски партии на Албанците на почетокот на март имаат свои партиски конгреси. Внатрепартиско незадоволство има и кај двете партии и може да кулминира со поделби. Незадоволството кај доаѓа поради лошите резултати на последните локални избори, но и поради доаѓањето на Фатмир Лимани, внук на Али Ахмети и човек близок до таканаречената група на „огнот“ предводена од Муса Џафери. Некои функционери и членови на двете партии веќе ги напуштија редовите на АА и Движењето Беса.
Генералниот секретар на АА, Арбен Таравари изјави дека опозицијата има стратегија и дека по партискиот конгрес ќе бидат построги во нивното делување.
Политичкиот аналитичар Фатон Алити сметам дека најавите за радикализација на политичкото делување е дефокусирање од внатрепартиското незадоволство кое е евидентно во пресрет на организирањето на конгресите.
– Мислам и дека постои реална можност за негативна реакција од граѓаните, бидејќи радикализацијата во време на енергетска и здравствена криза и во време на рехабилитација на спорот со Бугарија може да се чита како слепо следење на агенди кои немаат врска со државни и национални интереси, изјави Алити за „Слободен печат“.