Алтернатива бара нови гранични процедури- старите биле нелогични

Алтернатива ја поздравува денешната одлука на Владата да ги отвори границите, но останува незадоволна од придружните процедури на оваа одлука, наведено е во партиското соопштение.

„За нас, сегашните активни мерки се неприфатливи и нелогични, што дури и по доказите на иселениците дека не се заразени со ковид 19, нудејќи ПЦР-тест не постар од 72 часа, тие сепак треба да се самоизолираат 14 дена. За нас, оваа мерка е тенденциозна, бидејќи таа има за цел да го спречи пристигнувањето на иселениците, секако од страв од изборниот резултат. Во оваа прилика повторуваме дека гласот на иселениците е познат на која страна е, но тоа не го менува многу резултатот од победата на коалицијата Алтернатива и Алијанса за Албанците. Но, нашата држава мора да има почит кон иселениците и да не измислува опструктивни мерки, затоа што – покрај семејните врски што доаѓаат да се обноват – тие се и важен економски потенцијал за земјата. Во овој случај, Алтернатива предлага активните мерки да бидат изменети со нови мерки, така што оние кои влегуваат во државата да ги поминат лекарските прегледи на граничниот премин и тоа да биде доволно, пракса која е на сите соседни земји“, наведено е во соопштението.