Амбасадорот на Република Северна Македонија во ОАЕ го посети штандот на АТС ГРУП на IDEX 2023 во Абу Даби
Извршниот директор на ATS GROUP – г-дин Шефшет Демировски ја имаше честа да му посака добредојде на амбасадорот на Република Северна Македонија во Обединетите Арапски Емирати, Н.Е. Абдулкадар Мемеди, придружуван од г-дин Бекри Ајдини, економски советник во Амбасадата.
Амбасадорот Мемеди беше информиран за производната линија на АТС Груп, развојот на компанијата и нивното претставување на оваа изложба.
Амбасадорот Мемеди ја изрази подготвеноста на Амбасадата да ги поддржи компаниите од Северна Македонија како што е АТС Груп низ земјите од регионот МЕНА, придонесувајќи за зголемување на вкупната трговска размена со Северна Македонија и обемот на соработка со компаниите.
АТС Груп е првата компанија од Северна Македонија која учествува по втор пат во изминатите 30 години историја на IDEX Абу Даби.
Компанијата е меѓу најголемите кои се претставуваат на IDEX 2023 во ОАЕ, прикажувајќи ги своите нови специјалитети и разновидни производи во одбранбената индустрија на 30-тото издание на меѓународната одбранбена изложба и конференција (IDEX) во регионот МЕНА.
АТС ГРУП, со седиште во Скопје, е модерна корпорација од Северна Македонија која се состои од три фабрики, од кои две се во Скопје, Визбегово и една во Самоков, со повеќе од 500 вработени.
Сите погони ги следат највисоките стандарди на производство и произведуваат широк асортиман на производи, чиј квалитет е признат глобално и за што имаат добиено бројни награди.
ATS Group произведува композитни производи и производи за балистичка заштита и балистичка безбедност за војската и полицијата. Покрај тоа, компанијата произведува муниција и целосна линија на машини за производство на муниција, што и помага од година во година да го зголемува својот извозен потенцијал и со тоа да го исполни својот развоен план и мисија.
