Американската крајбрежна стража запленила дрога вредна повеќе од една милијарда долари

Американската крајбрежна стража во последните неколку месеци запленила повеќе од 30 метрички тони кокаин и марихуана во вредност од повеќе од милијарда долари во близина на бреговите на Јужна Америка.

Високи функционери за борба против наркотици од администрацијата на претседателот на САД отпатуваа на Флорида за да го пречекаат екипажот на бродот што ја донесе запленетата дрога во САД.

Според американските медиуми, запленетата дрога покажува дека трговијата со наркотици од Јужна Америка во САД не е намалена и покрај политиката на сите администрации, почнувајќи од Ричард Никсон, кој им објави војна на трговците со дрога пред речиси 50 години.

Полињата на кои се одгледува кока во Колумбија во 2020 година пораснаа на 245.000 хектари, што е доволно за производство на повеќе од 1.000 метрички тони кокаин.