Андоновиќ: Политичарите од РС бараат помош од Белград поради контроверзното назначување на високиот претставник во БиХ
Политичари од Република Српска, без оглед дали се на власт или во опозиција, бараат од српскиот претседател Александар Вучиќ дипломатска и правна заштита и помош со цел да се спречи кризата која е се поизвесна во БиХ, со назнчувањето на новиот, висок претставник на меѓунардната заедница Кристијан Шмит кој оваа функција ќе ја преземе од на 1 август.
Политичарите од РС не го прифаќаат начинот на назначување на Шмит, кој го заобиколува Советот за безбедност на ООН, кој според Дејтонскиот договор треба да назначи висок претставник во БиХ. Се рабиоти за одлука на на амбасадорите кои членуваат во Управниот одбор на Советот за поддршка на мирот во БиХ (ПИК) кои и „официјално“ донесоа одлука Шмит да биде назначен а висок претставник во БиХ откако досегашшниот висок претсавник за БиХ Валентин Инцко поднесе оставка.
Српските политичари од РС оредводени од членот на претседателствот Милорад Додик сметаат дека именувањето на германскиот дипломат е нелегално бидејќи според Дејтонскиот договор, него треба да го именува Советот за Бебзедност на ОН. Тие сметаат дека намерно се заобиколува највисокото бебзедносно тело СБ на ОН бидејќи е поввеќе од јасно дека Русија се противи на именувањето на Шмит и дека со сигурносст ќе вложи вето на одлуката за неговото именување.
Но она што е можеби најспорно за Додик и останаите политичари е дека Шмит е потпретседател на Христијанско-социјалната унија (ЦСУ), што е, патем, сестринска партија на ХДЗ, а познато е дека идниот висок претставник има добри односи со Хрватска. Ова е веројатно една од причините зошто хрватските политичари во БиХ засега не го коментираат доаѓањето на Шмит, од кого очигледно ќе очекува заштита, односно да застане во одбрана на нивните интереси, пред се при промена на Изборниот закон. Шмит не е добредојден за владата на Република Српска и тие веќе најавија дека воопшто нема да соработуваат со него затоа што „неговото назначување е незаконско“.
Од друга страна, Бошњаците, кои се најголеми поборници за престојот на високиот претставник во БиХ, исто така не се најсреќни со изборот на Шмит затоа што го сметаат за близок човек со ХДЗ и веруваат дека тој ќе биде премногу симпатичен кон хрватските политичари во БиХ , особено Драган Човиќ. Позицијата на политичарите на РС е дека на денешната средба со претседателот на Србија во Белград, тие ќе добијат уверувања дека Вучиќ, со својата меѓународна позиција и позицијата регионален лидер, ќе влијае да се спречат антидејтонските активности на штета на РС и српскиот народ во БиХ. Милорад Додик, српски член на БиХ, изјави дека официјални лица на РС ќе го информираат српското раководство како да ги игнорира локалните фактори, но исто така и меѓународното право, кога станува збор за контроверзното назначување висок претставник во БиХ. Тој вели дека високиот претставник е непожелен и не треба да биде во БиХ и дека нема меѓународен консензус за неговото назначување.
