Андреј Врабчев: Нападите врз бугарските клубови во Македонија не треба да бидат во фокусот на медиумите


Мислам дека всушност овие потези на некои приватни иницијативи не треба да бидат во фокус ниту на медиумите, ниту на нашите односи, бидејќи тие само произведуваат тензии. Ова во студиото на „Добро утро, Европа“ го изјави Андреј Врабчев од фондацијата „Татковина“.

Според него, ставовите во општествата доаѓаат преку јавната дипломатија и преку медиумите, а медиумите се фокусираат на таквите активности.

„Секое хулиганство не може да биде агенда на меѓудржавните односи и треба да ни биде јасно дека Македонија е многу важна за Бугарија и многу е важно да се зближуваме. Некој, ова е мое мислење, сака да се караме, и не гледам како овие клубови би го подобриле односот кон Бугарите во Македонија“,

вели Врабчев.
Според него, немаше да дојде до ова доколку Бугарија не постави услови за нејзина поддршка за интеграцијата на Република Северна Македонија во ЕУ.

„Немаше да дојде до ова ако претходно не дадевме црвено светло, бидејќи односите ескалираа поради ветото. Што се однесува до овие клубови, тие немаат реална активност, не се државни, и самото нивно постоење е со цел да се вршат провокации“,

коментира тој.
Според него, инцидентите се случиле токму кога работите меѓу Македонија и Бугарија се движеле кон подобро. Исто така, додаде Врабчев, овие клубови се појавиле долго време по отворањето на единствениот бугарски културен клуб во Македонија, кој има вистинска активност, а тоа е БККС.

Како што рече тој БККС постои повеќе од една деценија и досега немал никакви проблеми..

„Тоа е клубот што навистина, на политичко ниво, призна дека во Македонија има Бугари“,

смета Врабчев и потсети дека претседателот на РСМ Стево Пендаровски и поранешниот премиер Зоран Заев присуствуваа на 11-годишнината на клубот.
Врабчев вели дека тоа што се случува во моментов е преземање на односите меѓу двете земји од „некои приватни и нејасни субјекти“ кои „произведуваат пост факто аргументи дека Бугарија е недобронамерна, што е спротивно на договорот и на бугарските интереси“.

„Од друга страна, кому ова му дава сила – на „Левица“, која е крајно левичарска партија во Македонија, и на ВМРО-ДПМНЕ, а во моментов ако го прочитате македонскиот печат ќе видите како се промовира дека ВМРО-ДПМНЕ речиси сигурно ги претвора Македонските Бугари во проблем, за да не се прифатат промените во Уставот“,додава тој.
Според Врабчев, виновна е политиката на вето, со која Бугарија не постигна никакви резултати.

„Јас и другите гласови кои предупредуваа дека ова не е добра политика, не бевме слушнати. Во моментов има знаци дека истите луѓе кои беа многу упорни да ја водиме оваа политика на конфронтација, сега почнуваат да го менуваат курсот, но мислам дека не би можеле да го направат тоа, ниту мислам дека се убедени во тоа што го прават“,
рече тој.

Според него, Македонија е во триаголник меѓу Белград, Софија и Атина, а Србија има интерес да нема добри односи меѓу Бугарија и Република Северна Македонија.

Можеби ќе ве интересира
Close
Back to top button
Close