Анкетата на „Експрес Медиа“: Бујар Османи води со предност од 7 проценти пред Изет Меџити

Во анкета спроведена од Здружението за независно новинарство „Експрес Медиа“ – Скопје за порталот PressOnline.al, во периодот од 1 до 30 септември 2025 година, беа опфатени 1.000 граѓани на Општина Чаир, избрани по случаен избор според демографските параметри на опфатеното подрачје.

Анкетата содржеше едно прашање:

Кој од кандидатите би го поддржале на локалните избори на 19 октомври во Општина Чаир?

Резултатите од истражувањето покажуваат дека:

• Бујар Османи (коалиција АКИ/ДУИ) – 53,5 %

• Изет Меџити (коалиција ВЛЕН/ЛД) – 46,5 %

Според овие податоци, Бујар Османи има предност од 7 % пред Изет Меџити во трката за градоначалник на Општина Чаир.

Демографски состав на примерокот:

• Албанци: 70 %

• Бошњаци, Турци и Роми (заедно): 20 %

• Македонци: 10 %

Испитаниците се распределени според возрасни групи:

18–29 години (20 %), 30–44 (30 %), 45–64 (35 %) и над 65 години (15 %).

Родова распределба: 50 % мажи и 50 % жени.

Анкетата е спроведена со методот „simple random sampling“, со ниво на доверливост од 95 % и можна статистичка грешка на примерокот од (+/- 2,8 %). Грешката на разликата помеѓу кандидатите изнесува (-/+ 2 %). Вкупен број на испитаници: 1.000.