Антонио Илиески и Игор Алексовски нови играчи на ФК Ренова
ФК Ренова информираше дека на нивната екипа се приклучуваат двајца нови фудбалери.
Антонио Илиески, дваесет и петгодишниот одбранбен играч, во ФК Ренова доаѓа од ФК Кораб Дебар каде ја помина минатата сезона. Досега покрај за Гостивар и Кораб, Илиески играл за Еуромилк и Македонија Ѓорче Петров од Скопје, како и за Тиквеш од Кавадарци.
Во тимот од тетовско Џепчиште доаѓа и голманот Игор Алексовски, роден 1995 година. Алексовски настапуваше за Шкупи, а претходно бил член на Вардар и Македонија Ѓорче Петров.