Апасиев за Рашковски: Купи си саат ко Мицкоски од 60.000 евра и помини си ко господин човек

Иако екс-генералниот секретар на Владата, Драги Рашковски демантираше дека фатен со 20 илјади евра на граница за кои немал покритие, продолжува реакциите во јавноста. Со став се огласи и лидерот на Левица, Димитар Апасиев.

„Го фатиле Рашко со 20.000 евра на граница, у кеш… Ебате аматерот. А бе купи си саат ко Мицика од 60.000 евра и помини си ко господин-чоек“, стои во објавата на Апасиев.

Претходно и ВМРО-ДПМНЕ соопшти дека Рашковски во текот на вчерашниот ден бил фатен на граничниот премин „Ново Село“ со сума од 20 илјади евра кеш за кои немал покритие.

„Ги прашуваме и СДС и Рашковски, дали овие пари со кои бил фатен на граница се дел од перените пари од случајот “Софтвери”? Дали СДС ќе се огради од Рашковски, а со тоа и од Заев кој важи за најблизок соработник своевремено на Рашковски? Дали СДС има намера да се реформира и да почне да внесува чесни луѓе кои треба да им ја водат партијата, а не вакви како Рашковски, Заев и Филипче?“, порача Валентин Манасиевски од ВМРО-ДПМНЕ.

Поранешниот генсек на Владата вчера информира дека станува збор за легално пријавени средства на царинскиот службеник со извод од банка.