Арсовска: Ѓорѓиевски глуми херој додека Батинци тоне во вода

Поплавата во Батинци, општина Студеничани, е резултат на негрижата и неодржувањето на каналите од страна на локалните власти. Оваа активност е нивна законска обврска, која треба континуирано да се спроведува за да се спречат вакви несреќи, напиша Арсовска на својот фејсбук профил.

„Џабе се слика со лажен хероизам градоначалникот во заминување Орце Ѓеоргиевски, кој освен со сликање со друго не може да се пофали. Наместо навремено да реагира и да го спречи излевањето на реката тој избра да глуми спасител со лажен хероизам и да се фотографира на терен, без да признае дека проблемот е создаден токму поради неговата негрижа.

Со превенција се спречуваат поплави, не со глумење спасител за проблемите кои градоначалникот на општината сам ги дозволил. Проблемот од Батинци поради неодржување на каналите се прелева кон Скопје, а Противпожарната бригада на Град Скопје и екипите на ЈП Водовод и канализација активно работат на терен. Само немаат време да се сликаат“, напиша Арсовска на социјалните мрежи