Австралискиот премиер бара откажување на седница на Парламентот поради Ковид-19
Австралискиот премиер Скот Морисон побара следната седница на Парламентот, планирана за почетокот на август, да биде откажана поради повторно ширење на коронавирусот во одредени делови од државата.Предвидено е Парламентот да заседава од 4 до 13 август.
Морисон рече дека тој испратил писмено барање до претседателот на Парламентот за откажување на двонеделната седница.
Тој изјави дека поднел такво барање откако главниот советник во Владата, Пол Кели, предупредил дека парламентарната седница носи „значителен ризик“, како резултат на зголемувањето на бројот на локално пренесените случаи во државите Викторија и Нов Јужен Велс.
Во Викторија беа потврдени 217 нови случаи на коронавирус во последните 24 часа, откако претходниот ден имаше 428, претежно во главниот град Мелбурн, што е во карантин од минатата недела.
