Бектеши: Министрите на ДУИ се едни од поактивните во Владата – Ахмети е водечки лидер во Македонија

Министрите на ДУИ се едни од поактивните и секојдневно даваме отчет пред граѓаните, еве како ова гостување, вели министерот за економија и член на ДУИ, Крешник Бектеши во денешното гостување во “Само интервју” на Канал 5 телевизија.

Ова министерот го кажа како коменар на случувањата со “огнената група” во ДУИ која издејствува во партијата викендов да се одржи претседателство на кое министрите треба да дадат отчет пред членството.

Ахмети е водечки лидер во Македонија, додава Бектеши кој вели дека за него лично, но и за останатите не е проблем да даде отчет, особено не пред партиските структури.

Бектеши исто така додаде дека помина времето на носење извештаи по партиски штабови и дека денеска сите извештаи се носат во Собранието и функционерите таму даваат отчет пред граѓаните.